وردة من شريط الساتان How to make a flower for your dress

بسم الله الرحمن الرحيم

بئالى كتيير مش كتبت  جبتلكم شغل كتير بس مش هطول المرة دى 

النهاردة هنعمل وردة من شريط الساتان .... ممكن تزينى بيها مفرش فستان أو اى حاجة

لو عجباكى الفكرة و عاوزة تنفذيها حتحتاجى

شريط ساتان من اى لون تحبية, مقص, ابرة و فتلة

إختارى لون الساتان المناسب و قيسى حوالى 30 سم

طبعا الفتلة لازم تكون نفس اللون 

خيطى الفتلة على حرف الشريط

و كل ما تشدى الخيط الشريط هيضم على بعضه

شديه أوى الشريط هيعمل وردة لوحده :) 

إربطى طرفين الخيط مع بعض جامد 

تادااااااا وردة جميلة @_@

أنا بقى حبيت الوردة وعملت جونينة :)

 يا ريت الفكرة تكون عجبتكم :)

ملحوظة: لو حد حابب يحط الشغل على الفورم أو أى حتة يا ريت يكتب المصدر عشان دة شغلى و مش بنقله و شير فى الخير :)