من ساعة ما ماما جابتلى الشيرز دة و أنا عاوزة اعمل معاه الدنيئة... حاولت أقنع أخويا بيه منفعش... طب أديه لحد؟؟؟
قولت أعمل عليه التجربة التالية. و أكيد بالصور :) ...
لو عجبتك الفكرة و عاوزة تنفزيها هتحتاجى الاتى:
مارك قماش، مقص، دبابيس إبرة (اللى عمالنالها الدباسة بتاعة المرة اللى فاتت) ، ماكينة خياطة،قميص نفسك تخلصى منه، بلوزة ليكرا مش محتاجاها، ماكينة خياطة... و حبة جراءة...
إكوى القميص المغضوب عليه :) و افرديه كويس
علمى بالمارك تحت الكمام بالظبط
قصىىىىىىىىىىى
كنت بحبها بس كانت قديمة :(
مش محتاجة يعنى :)
نظبطها و نساويها عشان تبقى مستطيل جميل
أوبسسس طلعت أصغر من القميص، بس ليها حل...؟
بنس!!! إتنين من عند الصدر واحدة من ورا فى النص
تماااام كدة نقلب المستطيل على القميص
دبس دبس دبس بالطول عشان الماكينة
اية الحلاوة دى طب لسة...؟
قيسى الاستك فوق الصدر و دككيه فى التنية اللى فوق و لو مافيش إعملى واحدة
خيطى طرفين الاستيك مع بعض
خلاااااااص... على فكرة يمشى جيبة برضو
لأو هتتجننوا إتجننوا على اللبس القديم...
ههههه الله ابة الحلاوة دى تسلم ايدك
ردحذفوالله الحلاوة من عندك انت يا جميل :)
ردحذففكرة حلوة جداً
ردحذفشكراً علي الموضوع الحلو
وتفضلو بزيارة مدونتي على الرابط
http://mannee2000.blogspot.com/