تعديل كم بلوزة ... نيو لوك New look for your blouse

بسم الله الرحمن الرحيم

أكيد طول ما أنا فى البيت و ماسكة مقص يبقى لازم فيه ضحايا :) بس بتيجى سليمة...

لو عجبتك الفكرة و عاوزة تنفذيها هتحتاجى:

بلوزة كمها طويل و واسع، مقص، مارك قماش، مازورة، ماكينة خياطة، شريط أستيك رفيع... 

عاوزة أعمل الكم بطيخة منفوش

هنقيس من تحت الكم لحد ما نحب طول الكم الجديد

بحب أقص جداااا

نقلب البلوزة و نتنى الكمين و نثبت بالدبابيس

نخيط بس نسيب مكان للأستيك

نقيس الأستيك حوالين دراعنا و نعمل إتنين قد بعض

 ندكك و نخيط الأستيك و نقفل الكم

و ده شكل الكم بعد ما خلصنا

البلوزة بعد ما خلصت :)

مخدة دبابيس اسورة Pins holder bracelet

بسم الله الرحمن الرحيم

أول موضوع النهاردة للغاوين خياطة او بيعلموا بناتهم الصغنتتين :) و بالصور كمان عشان الإنجاز 

أول حاجة محتاجين الاتى:

ورق كرتون مقوى، مقاس ١٥*١٥ قماش من إختيارك، مقص، مارك قماش، صمغ أو شمع لصق، إبرة و فتلة، فايبر، شريط أستيك رفيع.

أول حاجة هنقص ورق الكرتون على شكل دائرة

نحط الدائرة الكرتون على القماش بعد ما نتنيه عشان يبقى دوبل

نعلم بالمارك دائرة أكبر و نقص

 نلزق الدائرة الكرتون على دائرة واحدة قماش

 ممكن نلزق بالشمع بتاع المسدس

  نخيط الدائرة القماش التانية بس بعيد شوية عن الدائرة الكرتون

بس نسيب فتحة فيها

عشان ندخل منها الفيبر و نحشى الدباسة

نكمل خياطة و نقفل

للاسورة نقص شريط من نفس القماش دوبل

و نخيطة فى شكل إسطوانة

نخيطه فى ظهر الدباسة

و ندكك الاستيك فى الإسورة زى التوكة و نقفل    

 و كدة نكون خلصنا  :)