الأربعاء، 15 يونيو، 2011

Turn a Chiffon scarf into a cool blouse ;) حولى ايشارب شيفون لبلوزة

بسم الله الرحمن الرحيم
النهاردة بقى فكرة جديدة جدا طبعا عندنا فى مصر مافيش اكتر من الايشاربات و اكيد كل واحدة عندها طرحة كبيرة مش بتلبسها...
بالصور حنشوف التحويل اللى هيخلى الايشارب يبقى بلوزة :)


لو عجباكى الفكرة و عاوزة تنفذيها هتحتاجى...

طرحة عرضها بعرض كتافك مرة او مرة و ربع، مقص، دبابيس، خيط استيك و دة عبارة عن استيك رفيع جدا بيتحط فى المكوك بتاع ماكينة الخياطة بس كدة...

هنفرد الايشارب بعد ما نتنيه نصين 

ناخد بالنا نخلى الناحية الغلط من القماش هى اللى برة

 نقص الايشارب من النص

كدة بقى عندنا نصين من الايشارب

نخيط النصين مع بعض بس بالطول عشان يبقوا حتة واحدة

نلف الاستيك على المكوك بس يكون مشدود علشان يدينا شدة أقوى

نسيب حتة من القماش و نبتدى نخيط

 هيطلع من الناحية التانية مكشكش و مشدود
 نكرر العملية دى حسب ما نحب... بس مش اقل من سطرين زى ما احنا نحب انا عملت ٣ سطور


ندبس الجناب و نقفل


 الطول حسب ما انتى عاوزة برضه انا بحبها طويلة عشان البسها على بنطلون جينز

نتنى الديل و نثبته بالدبابيس
  
نخيط 

و دة شكلها بعد ما خلصت

 ممكن لبسها مع بوليرو


و خلاص :) 

هناك 4 تعليقات: